ತುಮಕೂರು:ಮನಸ್ಸು ಇದ್ದರೆ ಮಾರ್ಗ ಎಂಬಂತೆ, ಸಾಧನೆಗೆ ಹಲವಾರು ದಾರಿಗಳಿವೆ.ಸಾಧಿಸುವ ಛಲ ಇದ್ದರೆ ಭಾಷೆ, ಬಡತನ,ಅಂಗವೈಕಲ್ಯ, ವಯಸ್ಸು ಯಾವುದು ಅಡ್ಡಿಯಾಗಲಾರದು. ಇದನ್ನು ಪ್ರತಿಯೊಬ್ಬ ವಿದ್ಯಾರ್ಥಿಯೂ ಮನಗಾಣಬೇಕು ಎಂದು ಸಿದ್ದಗಂಗಾ ವಿದ್ಯಾಸಂಸ್ಥೆಗಳ ಸಿಇಓ ಹಾಗೂ ನಿವೃತ್ತಿ ಐಎಎಸ್ ಅಧಿಕಾರಿ ಜಯವಿಭವಸ್ವಾಮಿ ತಿಳಿಸಿದ್ದಾರೆ.
ನಗರದ ಶ್ರೀಸಿದ್ದಗಂಗಾ ಮಹಿಳಾ ಪದವಿಪೂರ್ವ ಕಾಲೇಜಿನ ಸಂಸ್ಕøತಿ-2025-26ನೇ ಸಾಲಿನ ಸಾಂಸ್ಕøತಿಕ ಚಟುವಟಿಕೆಗಳ ಸಮಾರೋಪ ಸಮಾರಂಭ ಉದ್ಘಾಟಿಸಿ ಮಾತನಾಡುತಿದ್ದ ಅವರು,ಕನ್ನಡ ಮಾಧ್ಯಮದಲ್ಲಿ ಓದುತ್ತಾ,ಕ್ರೀಡೆ ಮತ್ತು ಸಾಂಸ್ಕøತಿಕ ವಿಷಯಗಳಲ್ಲಿ ಮುಂದಿದ್ದು, ವಿದ್ಯೆಯಲ್ಲಿ ಹಿಂದುಳಿದಿದ್ದ ನಾನು ಸಿಕ್ಕ ಅವಕಾಶ ಬಳಸಿಕೊಂಡು ಭಾರತೀಯ ವಾಯುಸೇನೆಯಲ್ಲಿ ಸೇವೆ ಸಲ್ಲಿಸಿ, ನಂತರ ಕೆ.ಎ.ಎಸ್, ಐಎಎಸ್ ಅಧಿಕಾರಿಯಾಗಿ ಕೆಲಸ ಮಾಡುವ ಅವಕಾಶ ದೊರೆಯಿತು.ನನಗೆ ಒದಗಿದ ಯಾವುದೇ ಅವಕಾಶಗಳನ್ನು ನಿರ್ಲಕ್ಷ ಮಾಡಿಲ್ಲ. ನೀವು ಕೂಡ ನಿಮಗೆ ದೊರೆಯುವ ಯಾವ ಅವಕಾಶಗಳನ್ನು ನಿರ್ಲಕ್ಷಿಸಬೇಡಿ ಎಂದು ಸಲಹೆ ನೀಡಿದರು.
ನಗರದಲ್ಲಿರುವ ಸಿದ್ದಗಂಗಾ ಮಹಿಳಾ ಪದವಿಪೂರ್ವ ಕಾಲೇಜು ಫಲಿತಾಂಶದಲ್ಲಿ ಇತರೆ ಪಿಯು ಕಾಲೇಜುಗಳಿಂತ ಮುಂದಿದೆ,ಜಿಲ್ಲೆಯಲ್ಲಿಯೇ ಮೊದಲ ಸ್ಥಾನಕ್ಕೆ ತರಬೇಕೆಂಬುದು ನಮ್ಮ ಇಚ್ಚೆಯಾಗಿದೆ.ಇದಕ್ಕಾಗಿ ಎಲ್ಲಾ ಶಿಕ್ಷಕರ ಸಹಕಾರ ಕೋರುತ್ತೇನೆ.ಸಿದ್ದಗಂಗಾ ವಿದ್ಯಾಸಂಸ್ಥೆಯಿಂದ ಶ್ರೀಮಠದಲ್ಲಿರುವ ಶ್ರೀಚನ್ನಬಸವೇಶ್ವರ್ ವಸ್ತುಪ್ರದರ್ಶನದ ಆವರಣದಲ್ಲಿ ಮುಂದಿನ ಶೈಕ್ಷಣಿಕ ವರ್ಷದಿಂದ ಇಂಟಿಗ್ರೆಟೆಡ್ ಪಿಯು ಕಾಲೇಜು ತೆರೆಯಲು ತೀರ್ಮಾನಿಸಲಾಗಿದೆ.
ಕೋ ಎಜುಕೇಷನ್ ಇವರು ಈ ಕಾಲೇಜಿನಲ್ಲಿ ನೀಟ್, ಜೆಇಇ ಜೊತೆಗೆ ಮಕ್ಕಳ ಸಮಗ್ರ ಬೆಳವಣಿಗೆಗೆ ಅಗತ್ಯವಿರುವ ಶಿಕ್ಷಣವನ್ನು ನೀಡಲು ತೀರ್ಮಾನಿಸಲಾಗಿದೆ.ನೂತನ ಕಾಲೇಜಿನ ಪ್ರವೇಶಕ್ಕೆ ಎಂಟ್ರೆನ್ಸ್ ಪರೀಕ್ಷೆ ನಡೆಸಿ, ಮೊದಲ ಹತ್ತು ಸ್ಥಾನ ಪಡೆದವರಿಗೆ ಉಚಿತ ಶಿಕ್ಷಣ, ಜೊತೆಗೆ, ಸಿದ್ದಗಂಗಾ ಪಿಯು ಕಾಲೇಜಿನಿಂದ ಅತಿ ಹೆಚ್ಚು ಅಂಕ ಪಡೆಯುವ 10 ಮಕ್ಕಳಿಗೆ ಉಚಿತವಾಗಿ ಶಿಕ್ಷಣ ನೀಡುವ ಆಲೋಚನೆ ಇದೆ.ಈಗಾಗಲೇ ಸುಸಜ್ಜಿತ ಕಟ್ಟಡದ ನಿರ್ಮಾಣ ಕಾರ್ಯ ಆರಂಭಗೊಂಡಿದೆ.ಹಂತ ಹಂತವಾಗಿ ಸಿದ್ದಗಂಗಾ ಶಿಕ್ಷಣ ಸಂಸ್ಥೆಯನ್ನು ಹೆಮ್ಮರವಾಗಿ ಬೆಳೆಸಿ,ಡೀಮ್ಡ್ ವಿವಿಯಾಗಿ ಪರಿವರ್ತಿಸಲಾಗುವುದು ಎಂದು ಜಯವಿಭವಸ್ವಾಮಿ ತಿಳಿಸಿದರು.
ದೇಶ ಪ್ರಪಂಚದ ಮೂರನೇ ಅರ್ಥಿಕ ಶಕ್ತಿಯಾದರೂ ಅದಕ್ಕೆ ಅನುಗುಣವಾಗಿ ಜನರ ತಲಾ ಆದಾಯವಿಲ್ಲ. ಜೊತೆಗೆ ನಿರುದ್ಯೋಗ ಸಮಸ್ಯೆ ಹೆಚ್ಚಿನದಾಗಿ ಕಾಡುತ್ತಿದೆ.ಯುವಜನರು ತಮ್ಮ ಮುಂದಿರುವ ಕೆಲಸಗಳನ್ನು ಬಿಟ್ಟು,ನೆಚ್ಚಿನ ಕೆಲಸಕ್ಕೆ ಅಲೆಯುವುದರಿಂದ ನಿರುದ್ಯೋಗ ಸಮಸ್ಯೆ ತಲೆದೊರಿದೆ.ವಲಸಿಗರ ಸಂಖ್ಯೆ ಹೆಚ್ಚಿದೆ.ಮುಂದಿನ ದಿನಗಳಲ್ಲಿ ಆಹಾರದ ಕೊರತೆ ಎದುರಾಗುವ ಸಾಧ್ಯತೆ ಇದೆ.ಈ ಎಲ್ಲಾ ವಿಚಾರಗಳ ಕಡೆಗೆ ಯುವಜನರು ಆಲೋಚಿಸಬೇಕಿದೆ.ಸೇನೆಯಂತಹ ಕೆಲಸಗಳಿಗೆ ಯುವಜನರು ಗಮಹರಿಸುವಂತೆ ಜಯವಿಭವಸ್ವಾಮಿ ಸಲಹೆ ನೀಡಿದರು.
ಇಸ್ರೋ ವಿಜ್ಞಾನಿ ಡಾ.ಉಮಾ.ಬಿ.ಆರ್. ಮಾತನಾಡಿ,ನಾನು ಈ ಕಾಲೇಜಿನ ಹಳೆಯ ವಿದ್ಯಾರ್ಥಿ. ಈ ಕಾಲೇಜು ನನಗೆ ವಿದ್ಯೆಯ ಜೊತೆಗೆ ಸಂಸ್ಕಾರವನ್ನು ನೀಡಿದೆ.ಹಾಗಾಗಿ ಭಾರತೀಯ ವಿದ್ಯಾವಂತರನ್ನು ವಿದೇಶಿಗರು ಗೌರವಿಸುತ್ತಾರೆ.ವಿದ್ಯೆಯ ಜೊತೆಗೆ ಕಲೆ,ಸಾಹಿತ್ಯ, ಸಾಂಸ್ಕøತಿಕ,ಕ್ರೀಡಾ ಚಟುವಟಿಕೆಗಳು ಅಗತ್ಯ. ವಿದ್ಯೆಯಿಂದ ಕಲಿಯಾಗದ ಸಮನ್ವಯತೆ, ಹೊಂದಾಣಿಕೆ, ನಾಯಕತ್ವದ ಗುಣ,ತಾಳ್ಮೆ, ಶ್ರಮ, ಒತ್ತಡ ರಹಿತ ಜೀವನ ಇವುಗಳನ್ನು ಕ್ರೀಡೆ ಮತ್ತು ಸಾಂಸ್ಕøತಿಕ ಚುಟವಟಿಕೆಗಳಿಂದ ಕಲಿಯಬಹುದು.ಸೋತಾಗ ಮಾತ್ರ ಗೆಲುವಿನ ಮಹತ್ವ ಅರಿಯಲು ಸಾಧ್ಯ. ಕಂಪರ್ಟ್ ಜ್ಹೋನ್‍ನಿಂದ ಹೊರಬಂದು ಸಿಕ್ಕ ಅವಕಾಶ ಬಳಸಿಕೊಂಡು, ಬದುಕು ರೂಪಿಸಿಕೊಳ್ಳಿ ಎಂದರು.
ಉಪವಲಯ ಅರಣ್ಯಾಧಿಕಾರಿ ಮಂಜುನಾಥ.ಟಿ.ಬಿ ಮಾತನಾಡಿ,ಕ್ರೀಡೆಯಿಂದಲೂ ಜೀವನ ರೂಪಿಸಿಕೊಳ್ಳಬಹುದು ಎಂಬುದಕ್ಕೆ ನಾನೇ ಉದಾಹರಣೆ. ವಿದ್ಯೆಯ ಜೊತೆಗೆ ಕ್ರೀಡೆಗಳಲ್ಲಿ ಭಾಗವಹಿಸಿ,ರಾಷ್ಟ್ರೀಯ ಮಟ್ಟದ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿದವರಿಗೆ ಉದ್ಯೋಗದಲ್ಲಿ ಇಂತಿಷ್ಟು ಮೀಸಲು ಇದೆ.ಕ್ರೀಡೆ ಜೀವನ ರೂಪಿಸುವುದರ ಜೊತೆಗೆ, ಜೀವನ ಶೈಲಿಯನ್ನು ಸಹ ರೂಪಿಸುತ್ತದೆ ಎಂದರು.
ಸಿದ್ದಗಂಗಾ ಪಿಯು ಕಾಲೇಜುಗಳ ಸಂಯೋಜನಾಧಿಕಾರಿ ಪ್ರೊ,ರೇಣುಕಪ್ಪ ಮಾತನಾಡಿ,ಕಳೆದ 25 ವರ್ಷಗಳಿಂದ ಸಂಸ್ಕøತಿ ಕಾರ್ಯಕ್ರಮ ಪಿಯು ವಿದ್ಯಾರ್ಥಿಗಳ ಪಾಲಿಕೆ ಒಳ್ಳೆಯ ವೇದಿಕೆಯಾಗಿದೆ. ನಿರಂತರವಾಗಿ ಕ್ರೀಡೆ ಮತ್ತು ಸಾಂಸ್ಕøತಿಕ ಚಟುವಟಿಕೆಗಳನ್ನು ಮಕ್ಕಳಿಗೆ ನೀಡಲಾಗುತ್ತಿದೆ.ಇತ್ತೀಚಿನ ದಿನಗಳಲ್ಲಿ ವಿದ್ಯಾವಂತ ಸಂಖ್ಯೆ ಹೆಚ್ಚುತ್ತಿದೆ.ಆದರೆ ಸಂಸ್ಕಾರವಂತರ ಸಂಖ್ಯೆ ಕ್ಷೀಣಿಸುತ್ತಿದೆ. ಇದಕ್ಕೆ ದೇಶದಲ್ಲಿ ವೃದ್ದಾಶ್ರಮಗಳು ಹೆಚ್ಚಾಗುತ್ತಿರುವುದೇ ಸಾಕ್ಷಿ.ಹಿರಿಯರಿಂದ ಕಲಿಯುವಂತಹದ್ದು ಸಾಕಷ್ಟು ಇದೆ.ನಿಮ್ಮ ಇಂದಿನ ಸ್ಥಿತಿಗೆ ನಿಮ್ಮ ತಂದೆ, ತಾಯಿಗಳ ತ್ಯಾಗವೇ ಕಾರಣ. ಈ ನಿಟ್ಟಿನಲ್ಲಿ ಯುವಜನರು ಆಲೋಚಿಸಬೇಕಿದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಸಿದ್ದಗಂಗಾ ಪಿಯು ಕಾಲೇಜಿನ ಪ್ರಾಂಶುಪಾಲರಾದ ಪಿ.ಚಂದ್ರಶೇಖರ್ ಮಾತನಾಡಿ,ಶ್ರದ್ದೆ ಮತ್ತು ಸತತ ಪರಿಶ್ರಮದಿಂದ ಎನನ್ನು ಬೇಕಾದರೂ ಸಾಧಿಸಬಹುದು ಎಂಬುದಕ್ಕೆ ಈ ವೇದಿಕೆ ಮೇಲಿರುವ ಗಣ್ಯರು ಸಾಕ್ಷಿಯಾಗಿದ್ದಾರೆ.ವಿದ್ಯೆ ಅವರನ್ನು ಉತ್ತಮ ನಾಗರಿಕರನ್ನಾಗಿ ರೂಪಿಸಿದೆ.ಈ ವರ್ಷ ಕಾಲೇಜಿನಲ್ಲಿ ಪ್ರಾಯೋಗಿಕವಾಗಿ ನೀಟ್ ಮತ್ತು ಜೆಇಇ ಕೋಚಿಂಗ ನೀಡಲಾಗುತ್ತಿದ್ದು, ಮುಂದಿನ ವರ್ಷದಿಂದ ಪೂರ್ಣಾವಧಿಗೆ ದೊರೆಯಲಿದೆ ಎಂದರು.
ಕಾರ್ಯಕ್ರಮದ ದಿವ್ಯ ಸಾನಿಧ್ಯ ವಹಿಸಿದ್ದ ಶ್ರೀಸಿದ್ದಗಂಗಾ ಮಠದ ಕಿರಿಯ ಶ್ರೀಗಳಾದ ಶ್ರೀಶಿವಸಿದ್ದೇಶ್ವರ ಮಹಾಸ್ವಾಮೀಜಿ ಆಶೀರ್ವಚನ ನೀಡಿ,ಬದುಕಿಗೆ ವಿದ್ಯೆಯ ಜೊತೆ, ಕ್ರೀಡೆ, ಸಾಂಸ್ಕøತಿಕ ಚಟುವಟಿಕೆಗಳು ಇದ್ದಾಗ ಬದುಕು ಪರಿಪೂರ್ಣವಾಗುತ್ತದೆ.ವಿಜ್ಞಾನಿಯಾಗಿರುವ ಶ್ರೀಮತಿ ಉಮಾ.ಬಿ.ಆರ್. ಅವರು ನಮ್ಮ ಕಾಲೇಜಿನ ಹಳೆಯ ವಿದ್ಯಾರ್ಥಿ ಎಂಬುದು ಹೆಮ್ಮೆಯ ವಿಚಾರ.ಅವರ ಪ್ರತಿ ಮಾತುಗಳು ನಿಮಗೆ ಸ್ಪೂರ್ತಿಯಾಗಬೇಕು.ಸಾಧನೆಗೆ ವಯಸ್ಸಿನ ಅಡ್ಡಿಯಿಲ್ಲ ಎಂಬುದನ್ನು ಅವರ ಮಾತುಗಳು ನಿರೂಪಿಸಿವೆ.ಹಾಗಾಗಿ ಸಿಕ್ಕ ಸಣ್ಣ ಅವಕಾಶವೂ ನಿಮ್ಮ ಬದುಕನ್ನು ರೂಪಿಸುತ್ತದೆ.ಯಾವುದನ್ನು ನಿರ್ಲಕ್ಷಿಸಬೇಡಿ ಎಂದು ಸಲಹೆ ನೀಡಿದರು.
ಕಿರುತೆರೆ ನಟಿ ಶ್ರೀಮತಿ ಶೃತಿ ಕುಶಾಲ್,ಗಾಯಕಿ ಲಕ್ಷ್ಮಿವಿಜಯ್ ಅವರುಗಳು ವಿದ್ಯಾರ್ಥಿಗಳ ಕುರಿತು ಮಾತನಾಡಿದರು.ವೇದಿಕೆಯಲ್ಲಿ ಸಂಸ್ಕøತಿ ವೇದಿಕೆ ಸಂಚಾಲಕಿ ಶ್ರೀಮತಿ ಸುಷ್ಮಾ ಬಂಗಾರಶೆಟ್ರ, ಉಪನ್ಯಾಸಕರಾದ ಬಸವರಾಜು.ಆರ್.ಸಿ, ಜೈತ್ರ ಎಸ್., ಪುಷ್ಪ ಎಲ್.ಕೆ, ಚೈತ್ರ.ಎಂ., ತನುಜ.ಬಿ.ಆರ್., ಚಂದನ.ಎಸ್, ರವೀಶ್.ಹೆಚ್.ಬಿ., ದುರ್ಗಂ ಕವಿತ ಮತ್ತಿತರರು ಉಪಸ್ಥಿತರಿದ್ದರು. ಮಕ್ಕಳಿಂದ ಸಾಂಸ್ಕøತಿಕ ಕಾರ್ಯಕ್ರಮಗಳು ಜರುಗಿದವು.