ತುಮಕೂರು : ಮಾಜಿ ಶಾಸಕರಾದ ಡಾ.ರಫೀಕ್ ಅಹ್ಮದ್‍ರವರಿಗೆ ಕಾಂಗ್ರೆಸ್ ಪಕ್ಷದ ಟಿಕೆಟ್ ನೀಡುವಂತೆ ಮಾಜಿ ಉಪಮುಖ್ಯಮಂತ್ರಿ ಹಾಗೂ ವಿಧಾನಸಭಾ ಚುನಾವಣೆಯ ಅಭ್ಯರ್ಥಿಗಳ ಆಯ್ಕೆಯ ಸ್ಕ್ರೀನಿಂಗ್ ಕಮಿಟಿಯ ಸದಸ್ಯರಾದ ಡಾ.ಜಿ.ಪರಮೇಶ್ವರ್ ಅವರಿಗೆ ಮಹಾನಗರ ಪಾಲಿಕೆಯ ಕಾಂಗ್ರೆಸ್ ಸದಸ್ಯರುಗಳು ಪತ್ರ ಬರೆದಿದ್ದಾರೆ.
ಮಹಾನಗರ ಪಾಲಿಕೆ ಮೇಯರ್ ಪ್ರಭಾವತಿ, ಸದಸ್ಯರುಗಳಾದ ಮಹೇಶ್‍ಕುಮಾರ್, ಕುಮಾರ್, ಸೈಯದ್ ನಯಾಜ್, ನೂರಿನ್ನಿಷಾ ಬಾನು, ಶಕೀಲ್ ಅಹ್ಮದ್ ಷರೀಫ್, ಫರೀದ ಬೇಗಂ, ನಾಶಿರಾ ಬಾನು, ಇನಾಯತ್ ಉಲ್ಲಾಖಾನ್, ಮುಜೀದಾ ಖಾನಂ ಮತ್ತು ರೂಪಶ್ರೀ ಶೆಟ್ಟಳ್ಳಯ್ಯ ಅವರುಗಳು ಡಾ.ಜಿ.ಪರಮೇಶ್ವರ್ ಅವರಿಗೆ ಪತ್ರವನ್ನು ಬರೆದಿದ್ದಾರೆ.
ಮಾಜಿ ಶಾಸಕರಾದ ಡಾ.ರಫೀಕ್ ಅಹ್ಮದ್ ಅವರು ತುಮಕೂರು ನಗರದ ಅಭಿವೃದ್ಧಿ ದೃಷ್ಠಿಕೋನವುಳ್ಳವರಾಗಿದ್ದು, ಪಕ್ಷವು ಅವರಿಗೆ ಒಮ್ಮತದಿಂದ ಟಿಕೆಟ್ ನೀಡುವಂತೆ ಮನವಿ ಮಾಡಿದ್ದು, ಹೊರಗಿನವರಿಗೆ ಟಿಕೆಟ್ ನೀಡಬಾರದೆಂದು ಮನವಿ ಮಾಡಿದ್ದಾರೆ.