ಸಾಹಿತ್ಯವನ್ನು ಗಾಢವಾಗಿ ಪ್ರೀತಿಸುವ ಯುವ ಜನ-ಸ್ನೇಹಿತರಿದ್ದಾರೆ-ನಾಡೋಜ ಡಾ.ಚಂದ್ರಶೇಖರ್

ತುಮಕೂರು : ಕರ್ನಾಟಕದಲ್ಲಿ ಸಾಹಿತ್ಯವನ್ನು ಗಾಢವಾಗಿ ಪ್ರೀತಿಸುವ, ಓದಿ ಅರಗಿಸಿಕೊಳ್ಳುವ ಹಾಗೂ ಆಳವಾಗಿ ಚರ್ಚಿಸುವ ಯುವ ಜನರು ಮತ್ತು ಸ್ನೇಹಿತರು ಇರುವುದಕ್ಕೆ ಅಪಾರ ಸಂತಸ ತಂದಿದೆ, ದೇಶದ ಬೆರಳೆಣಿಕೆಯಷ್ಟು ಪ್ರಾಂತ್ಯಗಳನ್ನು ಹೊರತು ಪಡಿಸಿದರೆ, ಉಳಿದೆಡೆ ಸಾಹಿತ್ಯದ ಬಗ್ಗೆ ಇಂತಹ ಆಳವಾದ ತಿಳುವಳಿಕೆ ಮತ್ತು ಚಿಂತನೆ ಕಂಡು ಬರುವುದಿಲ್ಲ ಎಂದು ಜ್ಞಾನಪೀಠ ಪ್ರಶಸ್ತಿ ಪುರಸ್ಕøತರಾದ ನಾಡೋಜ ಡಾ. ಚಂದ್ರಶೇಖರ ಕಂಬಾರ ಅವರು ಅಭಿಪ್ರಾಯಪಟ್ಟರು.

ಡಾ. ಹೆಚ್.ಎಂ. ಗಂಗಾಧರಯ್ಯನವರ ಸ್ಮರಣಾರ್ಥ ಶ್ರೀ ಸಿದ್ಧಾರ್ಥ ಶಿಕ್ಷಣ ಸಂಸ್ಥೆಯ ವತಿಯಿಂದ ಕನ್ನಡ ರಾಜ್ಯೋತ್ಸವ, ಜನಪದ ಜಾತ್ರೆ ಹಾಗೂ ಜಿಲ್ಲಾ ಮಟ್ಟದ ಭಾವಗೀತೆ, ಚರ್ಚಾ ಸ್ಪರ್ಧೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಅವರು ಯುವಕರು ಸಾಹಿತ್ಯವನ್ನು ಎದುರಿಸುವಾಗ ಉಂಟಾಗುವ ಸಮಸ್ಯೆಗಳನ್ನು ತಿದ್ದಿ, ಅವರೊಂದಿಗೆ ಚರ್ಚೆ ನಡೆಸುವ ಉದ್ದೇಶದಿಂದ ತಾವು ಬಂದಿದ್ದಾಗಿ ತಿಳಿಸಿದ ಅವರು, ಇಲ್ಲಿನವರ ಸಾಹಿತ್ಯಿಕ ಪ್ರಬುದ್ಧತೆ ಮತ್ತು ಚರ್ಚೆಯ ಗುಣಮಟ್ಟವನ್ನು ಕಂಡು ತಮಗೆ ಮಾತನಾಡಲು ಏನೂ ಉಳಿದಿಲ್ಲವೆನ್ನುವಷ್ಟು ಆಶ್ಚರ್ಯ ಮತ್ತು ಆನಂದವಾಗಿದೆ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

ಹಂಪಿಯ ಕನಸು ಮತ್ತು ಸ್ಥಳೀಯ ಪ್ರಯತ್ನಕ್ಕೆ ಕೃತಜ್ಞತೆ: ತಾವು ಹಿಂದೆ ಹಂಪಿಯಲ್ಲಿ ಆರಂಭಿಸಿದ್ದ ಇಂತಹ ಸಾಹಿತ್ಯಿಕ ಮತ್ತು ಸಾಂಸ್ಕøತಿಕ ಚಟುವಟಿಕೆಗಳು ಕಾಲಕ್ರಮೇಣ ಮೊದಲಿನ ಕಳೆಯನ್ನು ಕಳೆದುಕೊಂಡು ನಿಂತುಹೋಗಿರುವ ಬಗ್ಗೆ ಬೇಸರ ವ್ಯಕ್ತಪಡಿಸಿದರು. ಆ ದುಃಖದಲ್ಲಿದ್ದ ತಮಗೆ, ಕರ್ನಾಟಕದ ಈ ಊರಿನಲ್ಲಿ ಇಂತಹ ಅರ್ಥಪೂರ್ಣ ಯೋಜನೆ ಮತ್ತು ಸಾಹಿತ್ಯಿಕ ವಾತಾವರಣ ಕಂಡುಬಂದಿರುವುದು ಅತ್ಯಂತ ಸಮಾಧಾನ ಹಾಗೂ ಸಂತೋಷ ತಂದಿದೆ ಎಂದರು.

ಅಮೆರಿಕ ಸರ್ಕಾರದ ಪ್ರವಾಸಿಕನಾಗಿ, ವಿಶ್ವ ಸಾಹಿತ್ಯದ ಪ್ರತಿನಿಧಿಯಾಗಿ ಅಮೆರಿಕದ ದಕ್ಷಿಣದಿಂದ ಉತ್ತರದವರೆಗೆ ಸಂಚರಿಸಿ ಕರ್ನಾಟಕಕ್ಕೆ ಮರಳಿದ ಸಂದರ್ಭದಲ್ಲಿ ಇಲ್ಲಿನ ಜನರು ತೋರಿದ ಪ್ರೀತಿ ಮತ್ತು ಸಾಹಿತ್ಯಿಕ ಕಾಳಜಿ ತಮ್ಮ ಹೃದಯವನ್ನು ಕಲಕಿದೆ ಎಂದು ಭಾವುಕರಾದ ಕಂಬಾರರು, ಇಡೀ ನಾಡು ಮತ್ತು ದೇಶದ ಸಾಹಿತ್ಯದ ಪರವಾಗಿ ಹೃತ್ಪೂರ್ವಕ ವಂದನೆ ಅರ್ಪಿಸುತ್ತೇನೆ ಎಂದರು.

ಖ್ಯಾತ ವಾಗ್ಮಿ ಹಾಗೂ ಚಿಂತಕ ಪೆÇ್ರ. ಕೃμÉ್ಣೀಗೌಡ ಮಾತನಾಡಿ ಇಂದಿನ ಯುವ ಪೀಳಿಗೆಯ ಮನೋಭಾವ, ಉದ್ಯೋಗ ಕ್ಷೇತ್ರದ ಸವಾಲುಗಳು ಹಾಗೂ ಕನ್ನಡ ನಾಡು-ನುಡಿಯ ಯುವ ಜನರಲ್ಲಿ ಕಷ್ಟಪಟ್ಟು ದುಡಿಯುವ ಮನೋಭಾವ ಕಡಿಮೆಯಾಗುತ್ತಿರುವ ಬಗ್ಗೆ ತೀವ್ರ ಕಳಕಳಿ ವ್ಯಕ್ತಪಡಿಸಿದ ಸ್ಥಳೀಯ ಯುವಕರು ಮುಂದೆ ಬರುತ್ತಿಲ್ಲ ಕಾರ್ಖಾನೆ, ಹೋಟೆಲ್‍ಗಳು, ಮನೆ ನಿರ್ಮಾಣ, ಕಾಪೆರ್ಂಟರ್ ಹಾಗೂ ಟೈಲ್ಸ್ ಕೆಲಸಗಳಿಗೆ ಮಿಜೋರಾಂ, ಮೇಘಾಲಯ, ಮಣಿಪುರ, ಅರುಣಾಚಲ ಪ್ರದೇಶ, ಅಸ್ಸಾಂ ಮತ್ತು ಬಿಹಾರದಂತಹ ಹೊರ ರಾಜ್ಯಗಳಿಂದ ಲಕ್ಷಾಂತರ ಯುವಕರು ಬಂದು ದುಡಿಯುತ್ತಿದ್ದಾರೆ. ಆದರೆ ನಮ್ಮ ಸ್ಥಳೀಯ ಯುವಕರು ಕಷ್ಟದ ಕೆಲಸಗಳಿಗೆ ಹಿಂಜರಿಯುತ್ತಾ ಕಟ್ಟೆಗಳ ಮೇಲೆ ಕೂತು ಕಾಲಹರಣ ಮಾಡುತ್ತಿದ್ದಾರೆ ಎಂದು ವಿμÁದಿಸಿದರು.

ದೊಡ್ಡ ದೊಡ್ಡ ಮಾಲ್‍ಗಳಲ್ಲಿ ಬೆಳಗ್ಗಿನಿಂದ ರಾತ್ರಿವರೆಗೆ ಮೈಬಗ್ಗಿಸದೆ, ಬೆವರು ಸುರಿಸದೆ, ಯಾವುದೇ ಹೊಸ ಕೌಶಲ್ಯ ಅಥವಾ ತಾಂತ್ರಿಕ ನೈಪುಣ್ಯತೆಯನ್ನು ಕಲಿಯದೆ ಕೇವಲ ನಿಂತು ಕೊಂಡು ಉದ್ಯೋಗ ಮಾಡುವ ಪ್ರವೃತ್ತಿ ಹೆಚ್ಚಾಗುತ್ತಿದೆ. ಹೀಗೆ ವರ್ಷಗಟ್ಟಲೆ ಕಳೆದರೆ ಭವಿಷ್ಯದಲ್ಲಿ ಯಾವುದೇ ಸ್ವಂತ ಉದ್ಯೋಗ ಅಥವಾ ಪ್ರಾಯೋಗಿಕ ಕೆಲಸ ಬಾರದೆ ಯುವಕರ ಬದುಕು ಅತಂತ್ರವಾಗುತ್ತದೆ ಎಂದು ಎಚ್ಚರಿಸಿದರು. ಸರ್ಕಾರದ ಕೌಶಲ್ಯ ಅಭಿವೃದ್ಧಿ ಕೇಂದ್ರಗಳು ಉಚಿತ ತರಬೇತಿ ಹಾಗೂ ಸ್ಟೈಫಂಡ್ ನೀಡಿದರೂ ತರಬೇತಿ ಪಡೆಯಲು ಯುವಕರು ಆಸಕ್ತಿ ತೋರುತ್ತಿಲ್ಲ ಎಂದರು.

ರಾಜಕೀಯ ಪಕ್ಷಗಳ ಸಮಾವೇಶಗಳಲ್ಲಿ 500 ರೂಪಾಯಿ ಹಣ ಹಾಗೂ ಬಿರಿಯಾನಿಯ ಆಮಿಷಕ್ಕೆ ಒಳಗಾಗಿ ಲಕ್ಷಾಂತರ ಯುವಕರು ಸೇರುತ್ತಿರುವುದು ದುರದೃಷ್ಟಕರ. ಸರ್ಕಾರ ನೀಡುವ ನಿರುದ್ಯೋಗ ಭತ್ಯೆ ಅಥವಾ ಉಚಿತ ಸೌಲಭ್ಯಗಳಿಗೆ ಮುಗಿಬೀಳುವ ಯುವ ಸಮೂಹ, ದುಡಿದು ಬದುಕುವ ಸ್ವಾಭಿಮಾನವನ್ನು ಬೆಳೆಸಿಕೊಳ್ಳಬೇಕು. ಸ್ಟೈಫಂಡ್ ಮತ್ತು ಸಬ್ಸಿಡಿಗಳ ಆಸರೆಯಿಂದ ಯಾವ ದೇಶವೂ ಅಭಿವೃದ್ಧಿಯಾಗಲು ಸಾಧ್ಯವಿಲ್ಲ ಎಂದು ಅವರು ಪ್ರತಿಪಾದಿಸಿದರು.

ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಡಾ. ಚಂದ್ರಶೇಖರ ಕಂಬಾರರ ಸಾಹಿತ್ಯಿಕ ಕೊಡುಗೆ ಹಾಗೂ ಕನ್ನಡ ಭಾμÉಯ ಧಾರಣಾ ಸಾಮಥ್ರ್ಯವನ್ನು ಕೊಂಡಾಡಿದ ಪೆÇ್ರ. ಕೃμÉ್ಣೀಗೌಡರು, ದೇಶದಲ್ಲೇ ಅತಿ ಹೆಚ್ಚು ಜ್ಞಾನಪೀಠ ಪ್ರಶಸ್ತಿಗಳನ್ನು ಪಡೆದ ರಾಜ್ಯ ಕರ್ನಾಟಕ ಎಂಬುದು ನಮ್ಮ ಹೆಮ್ಮೆ ಎಂದರು. ಹುಯಿಲಗೋಳ ನಾರಾಯಣರಾಯರ “ಉದಯವಾಗಲಿ ನಮ್ಮ ಚೆಲುವು ಕನ್ನಡ ನಾಡು” ಗೀತೆಯ ಕುರಿತು ವರಕವಿ ದ.ರಾ. ಬೇಂದ್ರೆಯವರ ಮಾತುಗಳನ್ನು ಉಲ್ಲೇಖಿಸುತ್ತಾ, “ಒಂದು ನಾಡು ಅಥವಾ ವ್ಯಕ್ತಿ ನಿರಂತರವಾಗಿ ಉದಯವಾಗುತ್ತಿರಬೇಕೇ ವಿನಃ, ಅದು ಎಂದಿಗೂ ಮುಗಿದ ಹಂತವಲ್ಲ” ಎಂಬ ಸಂದೇಶದೊಂದಿಗೆ ಯುವಜನತೆ ನಿರಂತರ ಜ್ಞಾನಾರ್ಜನೆ ಮತ್ತು ಶ್ರಮದ ಮೂಲಕ ನಾಡನ್ನು ಕಟ್ಟಬೇಕು ಎಂದು ಕರೆ ನೀಡಿದರು.

ಸಿದ್ಧಾರ್ಥ ಶಿಕ್ಷಣ ಪ್ರಥಮ ದರ್ಜೆ ಕಾಲೇಜಿನ ಆಡಳಿತಾಧಿಕಾರಿ ಡಾ. ಬಾಲಗುರುಮೂರ್ತಿ ಅವರು ಮಾತನಾಡಿ ಸಿದ್ಧಾರ್ಥ ಶಿಕ್ಷಣ ಸಂಸ್ಥೆಯು ಯಾವುದೇ ಲಾಭದ ಅಪೇಕ್ಷೆಯಿಲ್ಲದೆ, ಕೇವಲ ಶುಲ್ಕ ಸಂಗ್ರಹಣೆ ಅಥವಾ ವ್ಯಾಪಾರೀಕರಣಕ್ಕೆ ಇಳಿಯದೆ ಗ್ರಾಮೀಣ ಹಾಗೂ ಬಡ ವಿದ್ಯಾರ್ಥಿಗಳಿಗೆ ಅತ್ಯುತ್ತಮ ಗುಣಮಟ್ಟದ ಶಿಕ್ಷಣವನ್ನು ನೀಡುತ್ತಿರುವ ಸಮಾಜಮುಖಿ ಸಂಸ್ಥೆಯಾಗಿದೆ. ವಿದ್ಯಾರ್ಥಿಗಳು ಕೇವಲ ಪಠ್ಯಪುಸ್ತಕದ ಓದಿಗೆ ಸೀಮಿತವಾಗದೆ, ನಾಡು-ನುಡಿ, ಸಮಾಜ, ವಿಜ್ಞಾನ, ಕಾನೂನು ಮತ್ತು ಸಾಹಿತ್ಯದ ಬಗ್ಗೆ ಆಳವಾದ ಜ್ಞಾನವನ್ನು ಗಳಿಸಬೇಕು. ಜೊತೆಗೆ ನಾಯಕತ್ವ ಗುಣಗಳನ್ನು ಮೈಗೂಡಿಸಿಕೊಂಡು ಉನ್ನತ ಗುರಿಗಳನ್ನು ಸಾಧಿಸಬೇಕು ಎಂದರು.

ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷರಾದ ಸಿದ್ಧಲಿಂಗಯ್ಯ, ಕನ್ನಡ ಸಂಸ್ಕøತಿ ಮಂಡಳಿ, ಕೇಂದ್ರ ಸಾಹಿತ್ಯ ಅಕಾಡೆಮಿ ಸದಸ್ಯರಾದ ಹೊ.ನ. ನೀಲಕಂಠೇಗೌಡ ತುಮಕೂರು ಜಿಲ್ಲಾ ಲೇಖಕಿಯರ ಸಂಘದ ಅಧ್ಯಕ್ಷರಾದ ಡಾ. ಆಶಾ ಬಗ್ಗನಡು, ಸಿದ್ಧಾರ್ಥ ಪ್ರಥಮ ದರ್ಜೆ ಕಾಲೇಜು ಪ್ರಾಂಶುಪಾಲರಾದ ವಿನಯ್‍ಕುಮಾರ್, ಡಾ. ಕೆ.ಎಸ್. ಸಿದ್ಧರಾಜು, ಭಾನುಪ್ರಕಾಶ್ ವಿವಿಧ ಕಾಲೇಜ್‍ಗಳ ಆಡಳಿತ ಮಂಡಳಿ, ಪ್ರಾಂಶುಪಾಲರು, ವಿಭಾಗದ ಮುಖ್ಯಸ್ಥರು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿ ವರ್ಗದವರು ಹಾಗೂ ವಿದ್ಯಾರ್ಥಿಗಳು ದೊಡ್ಡ ಸಂಖ್ಯೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

Leave a Reply

Your email address will not be published. Required fields are marked *