ತುಮಕೂರು : ಗಾಂಧೀಜಿಯ ತತ್ವವನ್ನು ಒಪ್ಪದ ಒಂದು ತತ್ವವಿದೆ, ಅದಕ್ಕೊಂದು ಪುಸ್ತಕವೂ ಇದೆ ಅದೇ ಮನು ಸ್ಮøತಿ, ಮನು ಸ್ಮøತಿಯ ತತ್ವ ಒಪ್ಪದ ಗಾಂಧಿಯನ್ನು ಮನುತತ್ವವಾದಿಗಳು ಗೂಡ್ಸೆಯ ಮೂಲಕ ಗಾಧಿಯನ್ನು ಹತ್ಯೆ ಮಾಡಿಸಿದರು ಎಂದು ಗಾಂಧಿ ವಿಚಾರ ಪರಿಚಾರಕರಾದ ಮಂಗಳೂರು ವಿಜಯ ಹೇಳಿದರು.
ಅವರಿಂದು ತುಮಕೂರಿನ ಆರ್.ಟಿ.ನಗರದ ರವೀಂದ್ರ ಕಲಾನಿಕೇತನದ ಹೆಚ್.ಎಂ.ಗಂಗಾಧರಯ್ಯನವರ ಆರ್ಟ್ ಗ್ಯಾಲರಿಯಲ್ಲಿ ಬೆಂಗಳೂರಿನ ಕರ್ನಾಟಕ ಗಾಂಧಿ ಸ್ಮಾರಕ ನಿಧಿ ಮತ್ತು ಬಾಪೂಜಿ ವಿದ್ಯಾಸಂಸ್ಥೆಯ ಸಹ ಯೋಗದಲ್ಲಿ ಹಮ್ಮಿಕೊಳ್ಳಲಾಗಿದ್ದ ತಿಂಗಳ ತಿಳಿವು-4 ಕಾರ್ಯಕ್ರಮದಲ್ಲಿ ಡಿ.ಎಸ್.ನಾಗಭೂಷಣ ಅವರ ಗಾಂಧಿ ಕಥನ ಓದು-ಚರ್ಚೆ-ಸಂವಾದದಲ್ಲಿ ಗಾಂಧಿ ಕಥನ ಪುಸ್ತಕದ ಬಗ್ಗೆ ವಿಷಯ ಮಂಡಿಸಿದರು.
ಯಾವ ಧರ್ಮವೂ ಇನ್ನೊಂದು ಧರ್ಮ ಶ್ರೇಷ್ಠ ಎಂದು ಹೇಳಿಲ್ಲ, ಕರ್ತವ್ಯಕ್ಕಿಂತ ಬೇರೆ ದೇವರಿಲ್ಲ, ರಾಮ, ಕೃಷ್ಣ ಎಂದೆಲ್ಲಾ ಹೇಳುತ್ತಾರೆ ಆದರೆ ಗಾಂಧೀಜಿಯವರ ರಾಮ ಬೇರೆ, ಗಾಂಧೀಜಿಯವರ ರಾಮ ರಾಜ್ಯ ಬೇರೆಯಾಗಿತ್ತು, ಗಾಂಧಿಯ ರಾಮನನ್ನು ಒಪ್ಪದವರು ಗಾಂಧಿಯನ್ನು ಹತ್ಯೆ ಮಾಡಿದರು ಎಂದು ಹೇಳಿದರು.
ಗಾಂಧೀಜಿಯವರು ಮನುಸ್ಮøತಿಯಲ್ಲಿರುವ ಅನೇಕ ತತ್ವಗಳನ್ನು ಒಪ್ಪಲಿಲ್ಲ, ಅದರಲ್ಲಿ ಐದು ತತ್ವಗಳು ಪ್ರಮುಖವಾದವು, ಸಮಾನತೆ, ಜಾತಿ, ಧರ್ಮ, ಪರುಷ-ಮಹಿಳೆಯರು ಸಮಾನರು, ಆರ್ಥಿಕ ಸಮಾನತೆ, ಎಂಬುದಾಗಿತ್ತು, ಗಾಂಧೀಜಿಯು ಎಲ್ಲರನ್ನೂ ಸಮಾನತೆಯಿಂದ ಕಾಣಬೇಕು, ಮೇಳು-ಕೀಳು ಎಂಬುದಿರಬಾರದು, ಜಾತಿ ಅಸಮತೋಲನ, ನನ್ನ ಧರ್ಮ ಶ್ರೇಷ್ಠ-ಇತರರ ಧರ್ಮ ಕನಿಷ್ಠ ಎಂಬುದನ್ನು ಒಪ್ಪಲಿಲ್ಲ, ಎಲ್ಲಾ ಧರ್ಮಗಳು ಅವರವರ ಪಾಲಿಗೆ ಶ್ರೇಷ್ಠ ಎಂದು ಪ್ರತಿ ಪಾದಿಸಿದರು, ಅದೇ ರೀತಿ ಪುರುಷ-ಮಹಿಳೆಯರಲ್ಲಿ ತಾರತಮ್ಯವಿರಬಾರದು, ಇಬ್ಬರೂ ಸಮಾನರು, ಇಬ್ಬರಿಗೂ ಸಮಾನತೆ ಇರಬೇಕು ಎಂದು ಹೇಳಿದರು, ಸಮಾಜದಲ್ಲಿ ಬಡವ ಶ್ರೀಮಂತ ಎಂಬುದು ಸಹ ಇರಬಾರದು, ಆರ್ಥಿಕ ಸಮಾನತೆ ಪ್ರತಿಯೊಬ್ಬರಿಗೂ ಇರಬೇಕು ಎಂಬ ತತ್ವವನ್ನು ಹೊಂದಿದ್ದವರು.
ಗಾಂಧಿಯ ಈ ತತ್ವಗಳನ್ನು ಮನು ಧರ್ಮ ಆಧಾರಿತರು ಒಪ್ಪಲು ಸಾಧ್ಯವಿಲ್ಲದ ಕಾರಣ ಅವರಲ್ಲಿ ಗಾಂಧಿಯ ಬಗ್ಗೆ ಅಸಮಧಾನ ಮತ್ತು ಗಾಂಧಿಯನ್ನು ಒಪ್ಪಿಕೊಳ್ಳಲು ಸಾಧ್ಯವೇ ಇಲ್ಲ ಎಂಬ ಪರಿಸ್ಥಿತಿ ಅವರ ಮನಸ್ಸಿನಲ್ಲಿ ಮೂಡಿದ್ದರಿಂದ ಮನುವಾದಿಗಳು ಗೋಡ್ಸೆಯ ಮೂಲಕ ಗಾಂಧಿಯನ್ನು ಕೊಂದಿದ್ದಲ್ಲದೆ, ಗಾಂಧಿಯ ತತ್ವಗಳನ್ನು ಕೊಂದರು ಎಂದು ಹೇಳಿದರು.
ಗಾಂಧಿಯನ್ನು ಇಡೀ ಜಗತ್ತು ಒಪ್ಪಿಕೊಂಡಿದ್ದು, 28 ವರ್ಷಗಳು ಜೈಲಿನಲ್ಲಿದ್ದ ದಕ್ಷಿಣ ಆಫ್ರಿಕಾದ ನೆಲ್ಸನ್ ಮಂಡೇಲಾ ಗಾಂಧಿಯ ಮಾರ್ಗ ಅನುಸರಿಸಿದ್ದರಿಂದ ಜೈಲಿನಿಂದ ಬಿಡುಗಡೆಗೊಂಡು ದೇಶದ ಅಧ್ಯಕ್ಷನಾದೆ ಎಂದು ಹೇಳಿದರೆ, ಅಮೇರಿಕಾದ ಅಧ್ಯಕ್ಷರಾಗಿದ್ದ ಬರಕ್ ಒಬಾಮ ಅವರು ನಾನು ಗಾಂಧಿಯ ಅನುಯಾಯಿ ಅಂತ ಹೇಳಿದ್ದಾರೆ ಎಂದರು.
ಸಂಪನ್ಮೂಲ ವ್ಯಕ್ತಿಯಾಗಿ ಮಾತನಾಡಿದ ತುಮಕೂರು ವಿಶ್ವವಿದ್ಯಾನಿಲಯದ ಇಂಗ್ಲೀಷ್ ವಿಭಾಗದ ಸಹ ಪ್ರಾಧ್ಯಾಪಕರಾದ ಡಾ.ಜ್ಯೋತಿಯವರು ಡಿ.ಎಸ್.ನಾಗಭೂಷಣ್ ಅವರು ತಮ್ಮ ಜೀವಿತಾವಧಿಯುದ್ದಕ್ಕೂ ಗಾಂಧಿಯನ್ನು ಅಧ್ಯಯನ ಮಾಡಿ ಗಾಂಧಿ ಕಥನ ಎಂಬ ಒಂದು ಶ್ರೇಷ್ಠ ಕೃತಿಯನ್ನು ನೀಡಿದ್ದಾರೆ, ಈ ಪುಸ್ತಕವು ಎಲ್ಲರಿಗೂ ಅರ್ಥವಾಗುವ ರೀತಿಯಲ್ಲಿ ಸರಳವಾಗಿ ಬರೆದಿದ್ದಾರೆ ಎಂದರು.
ನಾನು ವಿದ್ಯಾರ್ಥಿಯಾಗಿದ್ದಾಗ ಗಾಂಧಿಯು ನನಗೂ ಅರ್ಥವಾಗಿರಲಿಲ್ಲ, ಗಾಂಧೀಜಿಯವರು ಕೆಲ ಸತ್ಯಗಳನ್ನು ತಿಳಿದುಕೊಳ್ಳಲು ತಮ್ಮ ದೇಹವನ್ನೇ ಕಠಿಣವಾಗಿ ದಂಡಿಸಿಕೊಂಡವರು, ಅವರು ತಮ್ಮ ಜೀವಿತಾವಧಿಯಲ್ಲಿ ತುಂಬಾ ಸರಳ ಜೀವಿಯಾಗಿದ್ದವರು, ಅವರು ಹುಟ್ಟುವಾಗ ಶ್ರೀಮಂತರಾಗಿದ್ದರೂ ಅವರೆಂದೂ ಶ್ರೀಮಂತಿಕೆಗೆ ಮನ ಸೋಲಲಿಲ್ಲ, ಅವರು ಹಿಡಿದ ಗುರಿಯನ್ನು ಯಾರು ಬರಲಿ ಬಿಡಲಿ ಸಾಧಿಸಲು ಸತ್ಯಾಗ್ರಹದ ಮೂಲಕ ಪ್ರಬಲವಾಗಿ ಹೇಳುತ್ತಿದ್ದರು, ಗಾಂಧಿ ಯುದ್ಧವನ್ನು ಬಯಸಿದವರಲ್ಲ, ಅವರು ಶಾಂತಿ ಬಯಸಿ ಅಹಿಂಸೆಯನ್ನು ಸಾರಿದ ಜಗತ್ತಿನ ಶ್ರೇಷ್ಠ ವ್ಯಕ್ತಿ, ಈ ಕಾಲಗಟ್ಟದಲ್ಲಿ ಗಾಂಧಿಯ ನಿಲುವುಗಳು ತುಂಬಾ ಪ್ರಸ್ತುತವಾಗಿವೆ ಎಂದು ಹೇಳಿದರು.
ಸಮಾರಂಭದ ಅಧ್ಯಕ್ಷತೆಯನ್ನು ಬಾಪೂಜಿ ವಿದ್ಯಾಸಂಸ್ಥೆಯ ಕಾರ್ಯದರ್ಶಿ ಎಂ.ಬಸವಯ್ಯ ವಹಿಸಿದ್ದರು, ಸಮಾರಂಭದಲ್ಲಿ ಜಿ.ವಿ.ವಿ,ಶಾಸ್ತ್ರಿ ಮತ್ತು ಪುಟ್ಟಕಾಮಣ್ಣ ಉಪಸ್ಥಿತರಿದ್ದರು. ಉಪನ್ಯಾಸಕರಾದ ಹೆಚ್. ಗೋವಿಂದಯ್ಯ ಕಾರ್ಯಕ್ರಮ ನಿರೂಪಿಸಿದರು.