ತುಮಕೂರು : ಮೈತ್ರಿನ್ಯೂಸ್ ಪತ್ರಿಕೆಯ ಸಂಪಾದಕರಾದ ವೆಂಕಟಾಚಲ.ಹೆಚ್.ವಿ.ರವರ “ಆರದ ಪ್ರೇಮದ ದೀಪ” ಪ್ರೇಮ ಕಥನ ಪುಸ್ತಕ ಬಿಡುಗಡೆ ಸಮಾರಂಭ ನವೆಂಬರ್ 22ರ ಭಾನುವಾರ ಬೆಳಿಗ್ಗೆ 10.30ಕ್ಕೆ ಟೌನ್ ಹಾಲ್ ವೃತ್ತದ ಐ.ಎಂ.ಎ ಹಾಲ್ ನಲ್ಲಿ ನಡೆಯಲಿದೆ.

ಕಾರ್ಯಕ್ರಮವನ್ನು ಪೌರಾಡಳಿತ ನಿರ್ದೇಶನಾಲಯದ ನಿರ್ದೇಶಕರಾದ ರವೀಂದ್ರ.ಪಿ.ಎನ್. ಅವರು ಉದ್ಘಾಟಿಸಲಿದ್ದು, ಪುಸ್ತಕ ಬಿಡುಗಡೆಯನ್ನು ಹಿರಿಯ ಪತ್ರಕರ್ತರಾದ ದಿನೇಶ್ ಅಮಿನ್ ಮಟ್ಟು ಮಾಡಲಿದ್ದಾರೆ. ಪುಸ್ತಕ ಕುರಿತು ಪತ್ರಕರ್ತರಾದ ಕರಿಸ್ವಾಮಿ.ಕೆ. ಮಾತನಾಡಲಿದ್ದು, ಅಧ್ಯಕ್ಷತೆಯನ್ನು ನಿವೃತ್ತ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷರು ಹಾಗೂ ಕವಯತ್ರಿ ಬಾ.ಹ.ರಮಾಕುಮಾರಿಯವರು ವಹಿಸಲಿದ್ದು, ಮುಖ್ಯ ಅತಿಥಿಯಾಗಿ ಕೆಪಿಸಿಸಿ ಉಪಾಧ್ಯಕ್ಷರಾದ ಮುರಳೀಧರ ಹಾಲಪ್ಪನವರು ಭಾಗವಹಿಸಲಿದ್ದು, ಪುಸ್ತಕದ ಲೇಖಕರಾದ ವೆಂಕಟಾಚಲ.ಹೆಚ್.ವಿ. ಉಪಸ್ಥಿತರಿರುವರು.
ಈ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ಮೆಲ್ಬರ್ನ್ ನಿಂದ ವೆಂಕಟಾಚಲ.ಹೆಚ್.ವಿ.ಅವರನ್ನು ಭೇಟಿ ಮಾಡಲು ಆಗವಿಸಿರುವ ಹನುಮಂತಯ್ಯ ಯಲಿಯೂರು ಅವರಿಗೆ ಗೌರವ ಸನ್ಮಾನ ಮಾಡಲಾಗುವುದು. ವಕೀಲರಾದ ರಾಘವೇಂದ್ರ.ಕೆ.ಎಸ್. ಕಾರ್ಯಕ್ರಮ ನಿರೂಪಿಸಲಿದ್ದು, ಸಂಪನ್ಮೂಲ ವ್ಯಕ್ತಿಯಾದ ಮೋಹನಕುಮಾರ ಲಕ್ಕೇನಹಳ್ಳಿ ಅವರು ಸ್ವಾಗತಿಸಲಿದ್ದು, ಪಿಡಬ್ಲುಡಿ ಇಂಜಿನಿಯರ್ ರಾಧಾಕೃಷ್ಣ.ಜಿ.ಎನ್. ಪ್ರಾಸ್ತಾವಿಕ ನುಡಿಗಳನ್ನಾಡುವರು, ಚಿಂತಕ ಸಲೀಂಪಾಶ ವಂದನಾರ್ಪಣೆ ಮಾಡಲಿದ್ದಾರೆ.