ತುಮಕೂರು : ಕೇಂದ್ರ ಸರ್ಕಾರ ತನ್ನ ಬಜೆಟ್ ನಲ್ಲಿ ಭದ್ರ ಮೇಲ್ದಂಡೆ ಯೋಜನೆ ಅನುಷ್ಠಾನಕ್ಕಾಗಿ ಘೋಷಣೆ ಮಾಡಿದ್ದ 5300 ಕೋಟಿಗಳನ್ನು ತಕ್ಷಣ ಬಿಡುಗಡೆಗೊಳಿಸಬೇಕು ಸಂಸದರು ಕೇಂದ್ರ ಸರ್ಕಾರವನ್ನು ಸಂಸತ್ ನಲ್ಲಿ ಈ ಬಗ್ಗೆ ಏರ್ ಧ್ವನಿಯಲ್ಲಿ ಪ್ರಶ್ನಿಸುವ ಮೂಲಕ ಒತ್ತಡ ಹೇರುವ ಕೆಲಸ ಮಾಡಬೇಕು ಎಂದು ಕೌಶಲ್ಯ ಅಭಿವೃದ್ಧಿ ನಿಗಮದ ಮಾಜಿ ಅಧ್ಯಕ್ಷ ಮುರಳಿದರ ಹಾಲಪ್ಪ ಒತ್ತಾಯಿಸಿದರು.
ಶಿರಾ ತಾಲೂಕಿನಲ್ಲಿ ಭದ್ರಾ ಮೇಲ್ದಂಡೆ ಯೋಜನೆ ಅಚ್ಚುಕಟ್ಟಿನ ರೈತರ ಸಭೆ ನಡೆಸಿ ಹಕ್ಕೋತ್ತಾಯ ಮಾಡುವ ಮೂಲಕ. ತುಮಕೂರು ಜಿಲ್ಲೆಯ ಗಡಿ ಭಾಗಗಳಾದ ಚಿಕ್ಕನಾಯಕನಹಳ್ಳಿ ಶಿರಾ ಮಧುಗಿರಿ ಪಾವಗಡ ಸೇರಿದಂತೆ ತುಮಕೂರು ಜಿಲ್ಲೆಯ ರೈತರ ಬಾಳು ಹಸನಾಗಲು ಇದರಿಂದ ನೆರವಾಗುತ್ತದೆ ಎಂದು ಅವರು ತಿಳಿಸಿದರು. ತುಮಕೂರು ಜಿಲ್ಲೆಗೆ ಶಾಶ್ವತ ನದಿ ನೀರು ಇಲ್ಲದೆ ಇರುವ ಕಾರಣ ಅತಿ ಹೆಚ್ಚಿನ ಪ್ರದೇಶ ಮಳೆಯನ್ನೇ ನೆಚ್ಚಿಕೊಂಡಿದೆ, ಈ ಬಾರಿ ಎಲ್ ನೀನೊ ಪ್ರಭಾವದಿಂದಾಗಿ ಮುಂಗಾರು ಕೈ ಕೊಟ್ಟಿದ್ದು ಎಲ್ಲಾ ರೈತರ ಕೊಳವೆ ಬಾವಿಗಳು ನಿಂತು ಹೋಗಿವೆ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಕೊರೆಸಿದ ಕೊಳವೆ ಬಾವಿಗಳು ಕೈಕೊಟ್ಟ ಪರಿಣಾಮ ರೈತ ಕಂಗಾಲಾಗಿದ್ದಾರೆ. ಇದಕ್ಕೆ ಶಾಶ್ವತ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಭದ್ರಾ ಮೇಲ್ದಂಡೆ ಯೋಜನೆ ಜಾರಿಗೆ ತುರ್ತು ಕೆಲಸ ಮಾಡಬೇಕಿದೆ, ಹೇಮಾವತಿ ನೀರು ಹಂಚಿಕೆಯಾಗದ ಭಾಗಗಳಲ್ಲಿ ಗ್ರಾಮಗಳಿಗೆ ಕೆರೆಗಳಿಗೆ ಭದ್ರ ಮೇಲ್ದಂಡೆ ನೀರು ಹಂಚಿಕೆಯಾಗಬೇಕು ನಮ್ಮೂರಿಗೆ ನೀರು ಬರುತ್ತದೆ ಎಂಬ ಕಾರಣ ಕೊಟ್ಟು ರೈತರು ತಮ್ಮ ಜಮೀನುಗಳನ್ನು ಈ ಯೋಜನೆಗೆ ಬಿಟ್ಟು ಕೊಟ್ಟಿದ್ದು ಪರಿಹಾರ ಪಡೆಯದೆ ಕಾಮಗಾರಿಗೆ ಸಹಕರಿಸಿದ್ದಾರೆ ರೈತರಿಗೆ ಕೊಡಬೇಕಾದ ಪರಿಹಾರಗಳನ್ನು ಈಗ ಒದಗಿಸುವ ಕೆಲಸ ಅಧಿಕಾರಿಗಳು ಮಾಡಬೇಕಿದೆ ಮುಖ್ಯಮಂತ್ರಿ ಡಿ.ಕೆ .ಶಿವಕುಮಾರ್ ರವರ ಸರ್ಕಾರ ಸುಭದ್ರವಾಗಿದ್ದು ಮುಖ್ಯಮಂತ್ರಿಗಳು ರೈತರ ಪರವಾದ ಧೋರಣೆ ಹೊಂದಿದ್ದಾರೆ ಸರ್ಕಾರದ ಮಟ್ಟದಲ್ಲಿ ಚರ್ಚಿಸಿ ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.
ಕಳ್ಳಂಬೆಳ್ಳ ಕ್ಷೇತ್ರದ ಮಾಜಿ ಶಾಸಕ ಕೆ ಎಸ್ ಕಿರಣ್ ಕುಮಾರ್ ಮಾತನಾಡಿ, ಮಳೆ ಆಶ್ರಿತ ಪ್ರದೇಶಗಳಲ್ಲಿ ಭದ್ರ ಮೇಲ್ದಂಡೆ ಹರಿಸುವ ಮೂಲಕ ಕುಡಿಯುವ ನೀರಿಗೆ ಹಾಗೂ ರೈತರ ಪಾಲಿಗೆ ಈ ಯೋಜನೆ ಆಶಾಕಿರಣವಾಗಲಿದೆ ಕಾಮಗಾರಿಯ ವಿಳಂಬ ಧೋರಣೆ ಯಿಂದಾಗಿ ರೈತರು ಪರಿತಪಿಸುವಂತೆ ಅಧಿಕಾರಿಗಳು ಆದಷ್ಟು ಶೀಘ್ರವಾಗಿ ಕಾಮಗಾರಿ ಪೂರ್ಣಗೊಳಿಸಬೇಕು ಹಾಗೂ ಯಾವ ಯಾವ ಕೆರೆಗಳಿಗೆ ಹೇಮಾವತಿ ಯೋಜನೆಯಲ್ಲಿ ನೀರು ಹರಿಸಲಾಗುತ್ತಿದೆ ಎಂದು ಪರಿಶೀಲಿಸಿ ಉಳಿದ ಕೆರೆಗಳಿಗೆ ಭದ್ರಾ ಮೇಲ್ದಂಡೆ ಮೂಲಕ ನೀರು ಹರಿಸುವ ಕೆಲಸವಾಗಬೇಕು ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ಎಚ್ ಲಿಂಗಪ್ಪ, ಚಂದ್ರಶೇಖರ್ , ನೇರಳಗುಡ್ಡ ಶಿವಕುಮಾರ್, ಎಂಆರ್ ಶಶಿಧರ ಗೌಡ, ಸೂಡ ಮಾಜಿ ಅಧ್ಯಕ್ಷ ಗುಳಿಗೆನಹಳ್ಳಿ ನಾಗರಾಜು, ಮುಕುಂದಪ್ಪ, ಷಣ್ಮುಖಪ್ಪ, ಮುದ್ದು ರಂಗೇಗೌಡ ಕಾಲೇಜಿನ ರಂಗನಾಥ್, ಎಸ್ ಎಲ್ ಗೋವಿಂದರಾಜು, ಎಚ್ ಗುರುಮೂರ್ತಿ ಗೌಡ, ಜಯರಾಮಯ್ಯ, ಪುಟ್ಟ ಕಾಮಣ್ಣ, ಶೇಷ ನಾಯ್ಕ, ಹೊಸ ಪಾಳ್ಯ ಸತ್ಯನಾರಾಯಣ, ಜೈ ಪ್ರಕಾಶ, ಬುಕ್ಕಾಪಟ್ಟಣ ಶಿವಕುಮಾರ, ಸೇರಿದಂತೆ ಸಾವಿರಾರು ಜನ ರೈತರು ಮುಖಂಡರು ಹಾಜರಿದ್ದರು